رحلتي مع فكرة الدايت (قبل ما أبدأ فعلاً!)
تجربة صادقة عن البداية الحقيقية للدايت، مو من المطبخ أو الميزان، لكن من الداخل. كيف نهيئ نفسنا للتغيير بدون ضغط أو حرمان من فترة وأنا أفكر أبدأ دايت، لكن كل مرة أوقف قبل ما أبدأ فعليًا. مو لأنّي ما أقدر، لكن لأني كنت أحس إن الفكرة نفسها تخوفني شوي. دايم نربط كلمة “دايت” بالجوع، الحرمان، والملل، بس الحقيقة إن الدايت مو كذا أبد. صرت ألاحظ إن التغيير يبدأ من التفكير، مو من الأكل. يعني قبل ما أقطع سكريات أو أوزن أكلي، لازم أتعلم كيف أتعامل مع نفسي بلطف. ما أضغطها، ولا أكرهها، ولا أحمّلها ذنب كل لقمة. فيه فرق كبير بين إنك تسوين دايت لأنك “تكرهين جسمك” وبين إنك تسوين دايت لأنك “تحبينه وتبين تهتمين فيه”. الأولى مؤقتة ومؤلمة، والثانية دائمة ومريحة. صرت أتعلم شوي شوي إن الجسم ما يحتاج حرمان، يحتاج توازن. ما يحتاج أعيش على خس ولبن، يحتاج أختار الأكل اللي يريحني ويعطيني طاقة بدون ما أحس بتأنيب. الدايت الحقيقي يبدأ لما نغيّر نظرتنا لأنفسنا، لما نقرر نسمع لجسمنا مو لمعايير الناس. ويمكن أكون للحين ما بدأت دايت فعلي، بس أحسني بدأت أهم خطوة: أني أفكر بطريقة جديدة، وأحط نية التغيير ...
